صفاء جلال ترصد حقيقة اعتراضها على حجاب ابنتها

كشفت الفنانة المصرية صفاء جلال، كواليس الصورة التي نشرتها مع ابنتها، وكانت الأخيرة ترتدي الحجاب، لافتة إلى أنها واجهت انتقادات حادة كونها ممثلة وابنتها محجبة.وقالت "صفاء": "بنتي اختارت إنها تبقى محجبة بقرار منها وحرية شخصية، واللي حصل على صورتنا خلاني أكتشف إن السوشال ميديا على قد ما فيها جانب إيجابي وناس بتكتب كلام جميل، على قد ما في ناس قلوبهم وإيديهم ولسانهم فيهم سم، مش بيحسوا الكلمة بتوجع وتأذي قد إيه".

وأضافت: "سواء بنتي أو بنت غيري، طول الوقت بيشتموا ويقولوا كلام وحش، بطلب منكم لو مش عاجبكم المنشور بلاش تعلقوا، لإننا بني آدمين، بنات أولاد وأزواج، لما بتعلق بكلمة سيئة إنت كده بتأذي أسرة كاملة".وأردفت: "أنا معترضتش نهائي إن بنتي ترتدي الحجاب، إحنا الاتنين متفقين إن كل حد يعمل اللي يريحه طالما مقتنع إنه صح ومش بيأذي غيره، فيعمل اللي يحبه وميخافش من حد".

وأكملت حديثها قائلة: "لما حصل انتقادات على صورتها معايا وهي لابسة الحجاب، بنتي مزعلتش من الهجوم، هي زعلت علشاني، لإنها مش عاوزة حد يتكلم وحش عن مامتها، لإنها شايفاني أعظم أم في الدنيا وده طبيعي، وأنا شايفاها أعظم ابنة، الموضوع ضايقها شوية بس بعد كده كبرنا دماغنا".وأردفت: "لو لابسة كويس هيشتموكي، لو لابسة وحش هيشتموا برده، بتعملي خير أو شر هتتشتمي، هما شايفين إنهم من خلال الكيبورد يقدروا يهينوا أي حد عادي".

وواصلت: "سلمى بنتي كانت معايا في مسلسل سابع جار، كانت شخصية مبهجة وبنت دلوعة، ومصاحبة عبد الرحمن، أول ما اتعرف إنها بنتي اتفرجي على كمية الشتيمة، والتريقة على لبسها وشعرها، وبعد 3 سنوات ودخولها معهد سينما قسم رسوم متحركة، بقت تضحك على الانتقادات دي والموضوع بقى كوميدي".

ومن جانب آخر، تحدثت صفاء عن الفنان محمد رمضان والجدل المثار حوله بسبب التقاطه صورًا مع مشاهير إسرائيليين، قائلة: "اشتغلت مع محمد في فيلم الخروج من القاهرة، هو موهوب وشاطر جدا، اللي حصل منه خطأ طبعا، لإنه يملك جمهور عريض، لو هو فنان عادي والموضوع عدا مكنش حد هيتكلم، بس لما يكون عندك نجم قدوة لشباب كتير، ويحصل خطأ أكيد غير مقصود، فده السبب في الجدل الكبير، ربنا يوفقه وتنتهي أزمته على خير".

وعن اللقب الذي أطلقه رجل الأعمال نجيب ساويرس، على محمد رمضان بأنه "مايكل جاكسون العرب"، قالت صفاء جلال: "لا طبعا، محمد رمضان مش مايكل جاكسون، مايكل حاجة محدش عملها في الدنيا، هو واحد بس مش هيتكرر".

قد يهمك ايضاً :

نور الغندور ترد على مشهد هروبها من زفافها المثير للجدل

رامي صبري يقرر إلغاء حفلات رأس السنة بعد قرار وزارة السياحة