استضاف الإعلامي عمرو أديب النجم حمادة هلال وفريق عمل مسلسل "المداح 4"، وشهد اللقاء الكثير من المواقف الطريفة والكشف عن كواليس التصوير.وروى الفنان المصري قصة انضمام ابنه يوسف الى المسلسل، فقال: "كنت عمال أسأل استاذ أحمد مين يعمل الدور ده، أتاري يوسف قرأ الورق من ورايا ولقى دور داوود وقاللي إنه عايزه، قلتله يا حبيبي مينفعش، وبعدها لقيته بيبكي في غرفته، قلتله خلاص اهدأ أنا هقول لأستاذ أحمد سمير فرج المخرج يشوفك لو وافق هنشتغل لو موافقش خلاص. قاللي موافق. والأستاذ أحمد قاللي تمام"، وبالفعل شارك الطفل في العمل بشخصية ابن "الشيخ صابر" في "المداح- أسطورة العودة".

وعن تتر المسلسل، قال حمادة هلال: "أغنية "لقيناك حابس" جبنا صوت من أصوات زمان صوت فلكلوري، وركّبنا كلام الأغنية على الصوت بالذكاء الاصطناعي والست اللي بتغنّي غير موجودة في الحقيقة خالص".

وأضاف: "مش عارفين هنقدّم جزء خامس من مسلسل "المداح"، ولسه بنشوف الأمور والورق والأحداث اللي ممكن تتعمل في الحالة دي. لم يكن في الحسبان عمل أجزاء جديدة للمسلسل بعد الجزء الأول، والأحداث التي تمت في المسلسل كانت سبباً قوياً في تنفيذ أجزاء أخرى منه".

قد يهمك أيضــــاً:

دنيا عبدالعزيز وعز مع حمادة هلال في كواليس المداح

نسرين طافش تكشف كواليس عملها مع الفنان حمادة هلال في مسلسل "المداح"