علقت الفنانة لقاء الخميسي على إصابة عدد كبير من الفنانين بفيروس كورونا، عقب عودتهم من مدينة الجونة مؤخرًا، بكلمات أظهرت حبها للمهرجان الذي أقيم مؤخرًا.

وكتبت الخميسى، عبر حسابها بموقع «فيسبوك»: «علشان بس نبقى واضحين وعلى نور، مهرجان الجونة كان منظم ومحدد، حالات الكورونا اللي ظهرت مالهاش دعوة بفعاليات المهرجان ولا الأفلام ولا الندوات ولا ليها علاقة من قريب أو بعيد بالمهرجان، مش أي هري وخلاص، كل حاجة كانت منظمة والكل بيدخل العروض بكمامة والندوات والفعاليات بالكمامة».

وتابعت: «السجادة الحمراء اللي النجوم مشيو عليها ما كانتش زحمة ولا الناس قريبة من بعض، حتى العربيات اللي بتحرك الناس كانت دخولها بكمامة، المهرجان عمل اللي عليه وزيادة وكان محافظ على القواعد والإجراءات الاحترازية».

واختتمت: «بعد كده التجمعات اللي مالهاش علاقة بفعاليات المهرجان مش مسئولية مهرجان الجونة بل هي مسئولية الأشخاص اللي اختارو يحضروها، مسئولية ذاتية، مش لازم نبقى متخصصين في تشويه أي حاجة حلوة بتتعمل في البلد.. ارحمونا واسكتوا شوية وبلاش هري على المهرجانات والفنانين والفن، لقد هرمنا».