أعربت المرشدة السياحية بسنت نور الدين عن حزنها الشديد من سب أو أي إساءة للآخرين وذلك بعد هجوم مستخدمي مواقع التواصل الاجتماعي على معز مسعود بعد انفصالها عنه.

وقالت بسنت، في تصريح لـ"الوطن"، "ناس كتير أوي زعلت على خبر انفصالي.. منهم كتير عبروا عن ده بشكل جميل ودعاء بالتوفيق في اللي جاي، لكن بردوا كتير من الناس دون ما تقصد حاولت تاخد مواقف معينة تسيئ لأشخاص تانية".

وأضافت "وتعرض بعضهم للطرف التاني بالاعتداء اللفظي والمعنوي، باعتبار أنهم كدا بيدعموني ونسوا قول الله تعالي (ما يلفظ من قول إلا لديه رقيبٌ عتيد) عشان كدا حبيت أقولهم أن لازم نرتقي ونبقى مسؤولين عن كل كلمة بنقولها".

وتابعت "ونفتكر وصية سيدنا النبي لينا (فليقل خيرا أو ليصمت) ونسيب شؤون العباد لرب العباد، خصوصا أني مش بكون مبسوطة لما أعرف إن حد بيتعرض لحد بسببي، ولا أحب إن حد من المهتمين بيا يبقى ممكن يكون بياخد ذنب أو بيتعرض بالأذى لأي حد وهو فاكر إنه بيعمل خير".