وجهّت هدى اتهامات كثيرة لزوجها أمام محكمة الأسرة وطالبت بالخلع وروت قصتها منذ التعرف إلى  زوجها  حتى الهروب من المنزل.

وقالت هدى في الدعوى القضائية، إن زوجها كان يحب فتاة أخرى، توضح "كان بيقولي أنا غلط لما اتجوزتك، إحنا إخوات تحت سقف واحد وبلاش حد يعرف، وطول الليل بيتكلم مع حبيبته في التليفون، وأنا الشغالة بتاعت الشاي والغسيل والأكل، جوزي لمسني أول أسبوع، وبعد كدا بعد عني".

وأضافت "زواجي من علي الميكانيكي كان تقليديًا، عن طريق تعارف الأمهات ببعضها والصداقة المقربة.. واستمر 4 أشهر فقط". تقول:"بيحب واحدة وبيكلمها طول الليل وخدني عشان يرضي أمه عشان مش موافقين على التانية".

وتابعت "عشت معاه أسبوع حلو تخيلته فارس أحلامي، والرجل المناسب، لم يرفض شيئًا أطلبه، تاني أسبوع في جوازنا، ولقيته بيدخل الاوضة التانية ويتحدث بالساعات وينام كمان هناك، ويرفع صوته عليا ويكسفني قدام الجيران ".

تشتكي قائلة "قال في التلفون قدامي أنا بحبك إنت وهقولها وخليكى معايا وهتسمعي الكلام، عرفت وقتها إنه بيحبها وأنا ولاحاجة ليه، استمر الوضع 4 أشهر بس تعبت وزهقت".

وأكدت هروبها من المنزل  إلى أسرتها، وطلبت الطلاق ولم يوافق، فلجأت إلى محكمة الأسرة في التجمع الخامس، لرفع دعوى تطليق للضرر منها، وحملت الدعوى رقم 371لسنة 2018، ومازالت الدعوى منظورة أمام المحكمة.