حلت النجمة شيرين رضا ضيفة في برنامج" الدوبلكس" مع أبلة فاهيتا، المذاع على قناة ON، وقالت، لما جالى كورونا لقيت نفسى مش بعرف أتذوق أو أشم أي حاجة وعملت التحليل وطلع عندى.

وأضافت شيرين رضا، أنا بدايتى في الفن كانت من الإعلانات كنت في العجمى، وطارق نور كان عاوز يصور إعلان "أدوات صحية" على البحر فصورته وبعد كده عملت إعلانات كتير أوى.

وعن بداية تعارفها بالهضبة عمرو دياب، قالت شيرين رضا: عملت له إعلان وأنا عندى 14 سنة واتعرفت عليه وقتها، ولما كنت في أمريكا كان صديق أصدقائى ولما رجعت حبنى وخطبنى.

وتابعت شيرين رضا: عمرو دياب رومانسى جدا وكان بيغنى ليا كل الأغانى، وابنتى نور شاطرة في الدراسة، وهى بتطبق نظام لن أعيش في جلباب والدتى، وأنا حتى وهى صغيرة كنت بقولها في المستشفى غيروكى، روحى دورى مين أهلك.

قد يهمك ايضًا:

دينا الشربيني تردّ على شائعات خلافاتها مع شيرين رضا

 

شيرين رضا تعيش حالة نشاط فني بأربعة أعمال متنوعة